ہندوستان
کرنل صوفیہ قریشی کون ہیں؟
آپریشن سندور پر نئی دہلی میں آج میڈیا بریفنگ دینے والی کرنل صوفیہ قریشی بھارتی فوج کے کور آف سگنلز کی تجربہ کار افسر ہیں۔
///....نوکِ قلم نیوز ڈیسک
نئی دہلی: آپریشن سندور پر نئی دہلی میں آج میڈیا بریفنگ دینے والی کرنل صوفیہ قریشی بھارتی فوج کے کور آف سگنلز کی تجربہ کار افسر ہیں۔
وہ وہ پہلی خاتون افسر ہیں جنہوں نے پونے میں ہونے والی کثیر الملکی فوجی مشق میں بھارتی فوجی دستے کی قیادت کی جو بھارت میں ہونے والی بڑی غیر ملکی فوجی مشقوں میں سے ایک تھی۔
کرنل قریشی کے دادا نے بھی بھارتی فوج میں خدمات انجام دی تھیں۔ بائیو کیمسٹری میں پوسٹ گریجویٹ کرنل صوفیہ قریشی نے 2006 ء میں کانگو میں اقوام متحدہ کے امن مشن میں بھی خدمات انجام دیں اور وہ اپنے کیریر میں کئی برسوں تک امن مشنوں سے وابستہ رہیں۔
ونگ کمانڈر ویومیکا سنگھ بھارتی فضائیہ کی ممتاز ہیلی کاپٹر پائلٹ ہیں۔ انہوں نے نیشنل کیڈٹ کور (NCC) سے وابستگی کے بعد انجینئرنگ کی تعلیم مکمل کی اور 18 دسمبر 2019 کو فلائنگ برانچ میں مستقل کمیشن حاصل کیا۔
انہوں نے ’چیتک‘ اور ’چیتا‘ ہیلی کاپٹروں کو جموں و کشمیر اور شمال مشرق کی دشوار گزار بلندیوں پر اڑایا ہے۔
بشکریہ :. منصف
غیر جانبدار اور آزاد صحافت کا ساتھ دیں!
نوکِ قلم نیوز ایک آزاد صحافتی ادارہ ہے جو غیر جانبدار صحافت کا علم بلند کیے ہوئے ہے۔ نازیبا اشتہارات سے اجتناب کرتے ہوئے گوگل اشتہارات بند کر دیے گئے ہیں۔ اب یہ سفر آپ کے تعاون کا محتاج ہے۔ خصوصاً قلم کار حضرات سے گزارش ہے کہ ہفتہ وار یا ماہانہ مالی تعاون کے ذریعے اس مشن کو جاری رکھنے میں ہمارا ساتھ دیں۔ شکریہ!
