ادب
غزل:..... ڈاکٹر ارشد عبداللّہ عشیار
✍️:. ڈاکٹر ارشد عبداللّہ /عشیار
عشق انگارہ ہے جو دل میں دہکتا جاۓ
یہ وہ احساس ہے دل جس سے دھڑکتا جاۓ
-----------------------------------------------
نوش جس نے یہ کی، جانا ہے اسی نے کیا ہے
عشق وہ مے ہے کہ جس نے پی، بہکتا جاۓ
---------------------------------------------
جذبۂِ عشق وہ جذبہ ہے جو مجنوں کر دے
جوگ جس نے یہ لگایا وہ بھٹکتا جاۓ
-------------------------------------------
عشق پھر عشق ہی ہے زور چلے ہے کس کا
شعلہ اک بار جو دہکا تو بھڑکتا جاۓ
------------------------------------------
حسن تیرا مرے محبوب گلِ خطمیٰ ہے
جتنا مرجھاۓ ہے اتنا ہی مہکتا جاۓ
--------------------------------------------
تو وہ گل ہے خزاں کا جس پہ شباب آیا ہے
بلبلِ نالاں جسے دیکھ چہکتا جاۓ
غیر جانبدار اور آزاد صحافت کا ساتھ دیں!
نوکِ قلم نیوز ایک آزاد صحافتی ادارہ ہے جو غیر جانبدار صحافت کا علم بلند کیے ہوئے ہے۔ نازیبا اشتہارات سے اجتناب کرتے ہوئے گوگل اشتہارات بند کر دیے گئے ہیں۔ اب یہ سفر آپ کے تعاون کا محتاج ہے۔ خصوصاً قلم کار حضرات سے گزارش ہے کہ ہفتہ وار یا ماہانہ مالی تعاون کے ذریعے اس مشن کو جاری رکھنے میں ہمارا ساتھ دیں۔ شکریہ!
