ادب
نظم......... ڈاکٹر ارشد عبداللّہ
✍️:. ڈاکٹر ارشد عبداللّہ
بے فکری میں گزرا ہوتا کوئ لمحہ ایسا ہوتا
سب ہیں جیسے ویسا ہوتا میں بھی کتنا اچھا ہوتا
_______________________________
مٹی کنکر باغ و بن ان میں کھیلا مہکا سب کا بچپن
کھیل کھلونے کھیلے ہوتے بچپن میں نے جانا ہوتا
________________________________
گرتے پڑتے دوڑ لگاتے رندوں کو شرمندہ کرتے
گلیوں گلیوں جھومتے گاتے میرا جی بھی بہلا ہوتا
______________________________
سہما سہما رہتا تھا میں سہما ہی کیوں رہتا ہوں میں
بھوت پشاج تو وہم ہیں سارے یہ بھی میں نےسمجھا ہوتا
____________________________________
دل کی دل میں رکھتا ہوں میں اکثر ہی چپ رہتا ہوں میں
دل کی آہوں کو نغموں میں کاش کبھی تو لکھا ہوتا
__________________________________
نظمیں میری ہیں آئینہ ان کی کایا میرے جیسی
میرے بکھرنے سے پہلے تم نے مجھ کو دیکھا ہوتا
غیر جانبدار اور آزاد صحافت کا ساتھ دیں!
نوکِ قلم نیوز ایک آزاد صحافتی ادارہ ہے جو غیر جانبدار صحافت کا علم بلند کیے ہوئے ہے۔ نازیبا اشتہارات سے اجتناب کرتے ہوئے گوگل اشتہارات بند کر دیے گئے ہیں۔ اب یہ سفر آپ کے تعاون کا محتاج ہے۔ خصوصاً قلم کار حضرات سے گزارش ہے کہ ہفتہ وار یا ماہانہ مالی تعاون کے ذریعے اس مشن کو جاری رکھنے میں ہمارا ساتھ دیں۔ شکریہ!
