ادب
غزل :... از .. ڈاکٹر ارشد عبداللّہ
✍️:. ڈاکٹر ارشد عبداللّہ / عشیار
جسکو لٹنا ہے کیوں ویرانہ وہ آباد کریں؟
دل جو ناشاد ہے کیوں اور اسے ناشاد کریں؟
________________________________
نا سنی جائیں جہاں دل کی صدائیں وہاں پر
دستکیں در پہ کیوں ایسے دیں ، کیوں فریاد کریں؟
________________________________
ہے جنوں طاری تو بہتر ہے یہی تم بھی میں بھی
مل کے جو دنیا سجائی تھی وہ برباد کریں
_______________________________
سوچ کے دیکھ زرا کتنی اذیت میں ہوں میں
ہے اسیری میں پرندہ کیوں نہ آزاد کریں
_______________________________
سب یہ کہتے ہیں وہ احسان فراموش نہیں
میں یہ کہتا ہوں کہ مجھ کو نہ کبھی یاد کریں
________________________________
جن سے امید تھی عشیارؔ ترے حق میں کہیں
کیا عجب ہے کہ نہ ہر رنگ میں بے داد کریں
*****
غیر جانبدار اور آزاد صحافت کا ساتھ دیں!
نوکِ قلم نیوز ایک آزاد صحافتی ادارہ ہے جو غیر جانبدار صحافت کا علم بلند کیے ہوئے ہے۔ نازیبا اشتہارات سے اجتناب کرتے ہوئے گوگل اشتہارات بند کر دیے گئے ہیں۔ اب یہ سفر آپ کے تعاون کا محتاج ہے۔ خصوصاً قلم کار حضرات سے گزارش ہے کہ ہفتہ وار یا ماہانہ مالی تعاون کے ذریعے اس مشن کو جاری رکھنے میں ہمارا ساتھ دیں۔ شکریہ!
