ادب
غزل :. از ، ڈاکٹر ارشد عبداللّہ ملک
غزل غزل✍️:. ڈاکٹر ارشد عبداللّہ ملک
تخلص عشیار
میں ہوں آپ ہی میں کہیں تو گم میں تو آپ ہی میں سراب ہوں
جو نہ تم سے کُھل سکا ہے کبھی ، ہاں وہی میں عشق کا باب ہوں
__________________________________________
میں سمجھ میں ہی نہیں آسکوں کیا میں کوئی ایسا سوال ہوں
تو الٹ کے دیکھ ورق ورق میں تو حسرتوں کی کتاب ہوں
__________________________________________
جو سوال ہیں سبھی پوچھۓ مجھے بے رخی سے نہ دیکھۓ
جو نہ ہو سکے کبھی مجھ سے حل میں وہ ایک ایسا جواب ہوں
__________________________________________
یہ کہو کہ کچھ بھی نہ تم کہو یہ بیاں بیانِ فضول ہے
مری بات غور سے سن زرا میں زبانِ صم کا خطاب ہوں
__________________________________________
اسے ڈھونڈتا ہوں میں جا بہ جا جو یہیں ہے میرے ہی پاس ہے
یہ بتاۓ کوئی تو مجھ کو میں نشے میں ہوں زیرِ شراب ہوں
___________________________________________
مرا نام قیس ہے میں جنوں کی مثال ہوں مجھے جانۓ
جسے لیجۓ تو سزا ملے میں جہاں میں نامِ خراب ہوں
___________________________________________
یہ خیالِ عشق اور عاشقی مری آستیں کے ہی سانپ ہیں
مجھے لاۓ ہیں یہاں کھینچ کرچلو شکر ہے بہ نقاب ہوں
غیر جانبدار اور آزاد صحافت کا ساتھ دیں!
نوکِ قلم نیوز ایک آزاد صحافتی ادارہ ہے جو غیر جانبدار صحافت کا علم بلند کیے ہوئے ہے۔ نازیبا اشتہارات سے اجتناب کرتے ہوئے گوگل اشتہارات بند کر دیے گئے ہیں۔ اب یہ سفر آپ کے تعاون کا محتاج ہے۔ خصوصاً قلم کار حضرات سے گزارش ہے کہ ہفتہ وار یا ماہانہ مالی تعاون کے ذریعے اس مشن کو جاری رکھنے میں ہمارا ساتھ دیں۔ شکریہ!
