ادب
غزل :..... ڈاکٹر ارشد عبداللّہ
✍️:. ڈاکٹر ارشد عبداللّہ / عشیار
تو مجھ سے دور ہو کے بھی میرے قریب ہے
کیوں فاصلہ ہو تجھ سے تو میرا حبیب ہے
***************************
آکاش سے زمین ملا کرتی ہے جہاں
وہ جا تلاشتا ہے؟ یہ دل بھی عجیب ہے
***************************
تیری ستم ظریفی سے یہ دل اداس ہے
تو جس پہ مہرباں ہے وہ میرا رقیب ہے
***************************
کیسے علاجِ غم ہو مجھے بھی پتا چلے
جب غم ہی روگ ہے مرا غم ہی طبیب ہے
*****************************
پہلو نشیں رہے ترے منزل وہ پا گۓ
تو ہم سفر ہے جسکا وہی خوش نصیب ہے
****************************
جو کچھ لکھا ہے اسکے تصور کی دین ہے
عشیار کیسا ہے کوی کیسا ادیب ہے
غیر جانبدار اور آزاد صحافت کا ساتھ دیں!
نوکِ قلم نیوز ایک آزاد صحافتی ادارہ ہے جو غیر جانبدار صحافت کا علم بلند کیے ہوئے ہے۔ نازیبا اشتہارات سے اجتناب کرتے ہوئے گوگل اشتہارات بند کر دیے گئے ہیں۔ اب یہ سفر آپ کے تعاون کا محتاج ہے۔ خصوصاً قلم کار حضرات سے گزارش ہے کہ ہفتہ وار یا ماہانہ مالی تعاون کے ذریعے اس مشن کو جاری رکھنے میں ہمارا ساتھ دیں۔ شکریہ!
